മനുഷ്യപര്‍വ്വം


വെറും കയ്യോടെ പുറപ്പെട്ടു പോയവര്‍ 
വന്മലകള്‍ ചുമന്ന് തിരിച്ചെത്തുമ്പോള്‍ 
അനുനിമിഷം ഉദിച്ചുയരുന്നുണ്ട് 
അനന്തവിസ്മയങ്ങളില്‍ 
അഗ്നിജന്മനക്ഷത്രങ്ങള്‍ .
അമരനാവാനുള്ള  
മനുഷ്യമഹത്വം മനസ്സിലാക്കിയവ 
ഭൂമിയുടെ ആകര്‍ഷണവലയത്തില്‍  
ഒരു മനുഷ്യയൌവ്വനത്തിനു കൊതിച്ച്      
അനവരതമലയുന്നു.

അസുരനാവാനുള്ള     
മനസ്സിന്‍ ജഡത്വം തിരിച്ചറിഞ്ഞവ
മനുഷ്യഭൂമികയെ ഭയന്ന്             
ഒരജ്ഞാത ക്ഷീരപഥം തേടി
പ്രകാശവേഗത്തിലകലുന്നു. 

പ്രപഞ്ചസമേതം 
വളര്‍ന്നു വലുതാകുന്നുണ്ട്,
മനുഷ്യത്വത്തിനുവേണ്ടിയുള്ള
ഭൂമിയുടെയും നക്ഷത്രങ്ങളുടേയും
പ്രാര്‍ഥനാകിരണങ്ങള്‍ .


    

16 coment�rios :

16 അഭിപ്രായങ്ങൾ:

  1. കവിത നന്നായി. ആശംസകള്‍
    ജയരാജന്‍ വടക്കയില്‍

    മറുപടിഇല്ലാതാക്കൂ
  2. പ്രപഞ്ചസമേതം
    വളര്‍ന്നു വലുതാകുന്നുണ്ടപ്പോഴും
    മനുഷ്യത്വത്തിനുവേണ്ടിയുള്ള
    ഭൂമിയുടെയും നക്ഷത്രങ്ങളുടേയും
    പ്രാര്‍ഥനാകിരണങ്ങള്‍ .

    കൊള്ളാം, വരികൾ നന്നായി.

    മറുപടിഇല്ലാതാക്കൂ
  3. വെറും കയ്യോടെ പുറപ്പെട്ടു പോയവര്‍
    വന്മലകള്‍ ചുമന്ന് തിരിച്ചെത്തുമ്പോള്‍ ...

    പലരുടേയും സ്വപ്നം :)

    കവിത നന്നായി!

    ഓഫ്: എന്റെ കുഞ്ഞുമ്മാന്റെ ഭര്‍ത്താവിന്റെ പേരും മുഹമ്മദ് എന്നാണ് (മണി) ആറങ്ങോട്ട് കര എഴുമങ്ങാടാണ് താമസം. അവരെ അറിയുമോ?

    മറുപടിഇല്ലാതാക്കൂ
  4. വിഭവം തേടി മറുനാട്ടിൽ പോയവന്റെ സംഗതികൾ..
    ഇഷ്ടപ്പെട്ടു കവിത.

    മറുപടിഇല്ലാതാക്കൂ
  5. ഭൂമിയുടെയും നക്ഷത്രങ്ങളുടേയും
    പ്രാര്‍ഥനാകിരണങ്ങള്‍...മനുസ്യത്വത്തിനു വേണ്ടിത്തന്നെയാണ്. നന്നായി വരികൾ!

    മറുപടിഇല്ലാതാക്കൂ
  6. ശാസ്ത്രം ജയിക്കും മനുഷ്യര്‍ തോല്‍ക്കും ..:)

    മറുപടിഇല്ലാതാക്കൂ
  7. ഭൂമിയുടേയും നക്ഷത്രങ്ങളുടേയും പ്രാർത്ഥനാകിരണങ്ങൾക്ക് ദീപ്തിപകരാൻ ഒപ്പം സുമനസ്സുകളുടെ പ്രാർത്ഥനകളും പ്രവർത്തികളും ഉണ്ടായെങ്കിൽ......

    മറുപടിഇല്ലാതാക്കൂ
  8. നല്ല വരികള്‍, നല്ല സങ്കല്പം, പ്രത്യേകിച്ചും ആ “വന്മല”യെന്ന സങ്കല്പം

    മറുപടിഇല്ലാതാക്കൂ
  9. മനുഷ്യത്വത്തിനുവേണ്ടിയുള്ള
    പ്രാര്‍ഥനാകിരണങ്ങള്‍ .

    മറുപടിഇല്ലാതാക്കൂ
  10. ഉള്ളത് പറയാലോ. എനിക്ക് ശരിക്കും പിടികിട്ടിയില്ല.

    മറുപടിഇല്ലാതാക്കൂ
  11. വീണ്ടും വീണ്ടും വായിക്കുമ്പോള്‍ ആഴത്തില്‍ അര്‍ത്ഥ തലങ്ങള്‍ നിറയുന്ന നല്ല കവിത.

    മറുപടിഇല്ലാതാക്കൂ
  12. വ്യത്യസ്തമായിരുന്നു കവിതകള്‍ ...

    ആശംസകളോടെ,

    മറുപടിഇല്ലാതാക്കൂ

നന്ദി.. വീണ്ടും വരിക.