Menu
കവിതകള്‍
Loading...

മായാവിലാസങ്ങള്‍






ടിമകളായ ശില്‍പ്പികളാണ്
ആള്‍ദൈവങ്ങള്‍ക്ക്
കയ്യും കാലും കൊത്തുന്നത്.
അന്ധരായ ആരാധകര്‍ അവര്‍ക്ക് 
കണ്ണും കാതും കൊടുത്തു.

ഊമകളായ അനുയായികളാണ് 
ആള്‍ദൈവങ്ങള്‍ക്ക്   
മായാവിലാസങ്ങളുണ്ടാക്കിയത്.
സപ്തധാതുക്കളുള്ള ശരീരങ്ങളാണ്
അവതാരങ്ങളുടെ
ദിവ്യപരിവേഷമണിയുന്നത്.
   
രസാദിഗുണങ്ങള്‍ ക്ഷയിക്കുമ്പോള്‍  
ആള്‍ദൈവങ്ങളുടെ സിരകളിലും
എണ്ണവറ്റിയ കല്‍വിളക്കുകളായി  
കരിന്തിരികളാല്‍ പുകയുന്നു.

അടിമകളുടെ വാര്‍ത്തുളിത്തെറ്റില്‍
ഉടഞ്ഞു പോയെക്കാമെന്ന ഭയത്തോടെ  
കൊത്തും മിനുക്കും സഹിച്ച് 
കല്ലായിത്തീരുന്ന ദൈവങ്ങള്‍.

Powered by Blogger.