നേട്ടക്കണക്ക്



പാർട്ടി നേടിയ
വോട്ടിൻ്റെ കണക്കുകൾ
നോക്കിയാൽ
ഭൂരിപക്ഷം ചിരിക്കും
ന്യൂനപക്ഷം കരയും.

വോട്ട് തേടിയ
നോട്ടിൻ്റെ കണക്കുകൾ
കൂട്ടിയാൽ
ഭൂരിപക്ഷം കരയും
ഭരണപക്ഷം ചിരിക്കും.


ചിത്രം: ഗൂഗിൾ
1 coment�rios

1 coment�rios :

കല്ലിൽ പൂത്തത്





നോമ്പ് തുറന്നപ്പോഴൊന്നും
വയർ നിറഞ്ഞില്ല.
ഇത്തിരിപ്പോന്ന ഭക്ഷണത്തളികയിൽ
വെട്ടുപോത്തും മുട്ടനാടും മുക്രയിട്ടില്ല.
വറ ചട്ടിയിൽ നിന്നും കോഴി കൂകാറില്ല.
വാ തുറന്നാൽ ഇനി തിന്നാൻ
വയ്യല്ലോയെന്നോർത്തു തീ തിന്നാറുമില്ല.

കാരക്കകൾ കൊണ്ട്
വ്രതസംതൃപ്തിയടയുന്ന
ദീർഘ ദിനാന്ത്യങ്ങളുടേയും
കുടിനീരുകൊണ്ട് വിശപ്പടക്കുന്ന
അതിശീതോഷ്ണ രാവുകളുടേയും
കനൽക്കഥകളാണ് ഖൻദക്കിലെ
പാറക്കല്ലുകളിൽ പൂക്കുന്ന
പ്രവാചക സ്മരണകൾ.

പൊരിവെയിലറിയാതെ
എരിവയറിൽ വെച്ചുകെട്ടിയ
സഹന ശിലകളൊന്നും
മദീനയുടെ താഴ്വരകളിൽ
മണ്ണിൽ പുതഞ്ഞു പോയില്ല.
അവ വിശ്വാസിയുടെ മനസ്സായി
വിശക്കുന്നവന്റെ അന്നമായി
എന്നും ഭൂമിയിൽ വിളയുന്നു.
വിളവെടുക്കുന്നു.


ചിത്രം: ഗൂഗിൾ
1 coment�rios

1 coment�rios :

ഒരു നുണക്കഥ




പിണങ്ങാതെ പിരിയുന്ന
നോവാണ് മരണം.

പിരിയുമ്പോൾ വിരിയുന്ന
ചിരിയാണ് ജനനം.

ഇണങ്ങുമ്പോൾ പിണങ്ങുന്ന
നുണയാണ് സ്നേഹം.

പിരിയാത്ത പിണങ്ങാത്ത
നിഴലാണ് മോഹം.

ഇണക്കവും പിണക്കവും
ഇഴചേർന്ന ജീവിത
കഥയാണീ ലോകം.


1 coment�rios

1 coment�rios :

സ്മാർട്ട് ഇൻ്റലിജൻ്റ്സ്
















കടലിന്റെ വഴിദൂരമുണ്ടെങ്കിലും

കരളേ നിന്റെ സ്നേഹവും കരുതലും
തിരകളായെന്നെ തഴുകാറുണ്ടെന്നും..
സ്റ്റാറ്റസിലവൾ കോറിയിട്ടു.

കരക്കടിഞ്ഞൊരു
ചത്ത തിമിംഗലത്തിന്റെ
നാറ്റം തോന്നിയിട്ടും
കൈയ്യിൽ കിട്ടിയൊരു
ഹൃദയമെടുത്തയാൾ
സൂപ്പർ ലൈക്കിട്ടു.

ഒരിക്കലും തുറക്കാറില്ലാത്ത
ഇൻബോക്സിൽ കുടുങ്ങി
എങ്ങിനെയെങ്കിലും
ഡിലീറ്റാവാൻ കൊതിക്കുന്ന
ഏറ്റവും പുതിയൊരു മെസ്സേജ്:

Thank you for using XXXXX Banking.
Avl Bal Rs 0011.11.
0 coment�rios

0 coment�rios :